అభిమానులు పెళ్లి చేసుకోపోతే వదిలేలా లేరు అనుకున్నాడో ఏమో.. టాలీవుడ్ ఇండస్ట్రీలో మోస్ట్ ఎలిజిబుల్ బ్యాచులర్‌గా ముద్ర పడిన ప్రభాస్.. వచ్చేనెల అక్టోబర్ 23 తన పుట్టిన రోజు నాడు పెళ్లి గురించి ప్రకటన చేస్తారనే వార్తలు వినిపిస్తున్నాయి. మరి ఈ వార్తల్లో నిజమెంతో తెలియదు కానీ.. ఇంతకీ ఆ అదృష్ట దేవత, అందాల సౌందర్య రాశి ఎవరై ఉంటారు అని అభిమానుల మెదడు తొలిచేస్తున్న మరో కొత్త ప్రశ్న.

ప్రస్తుతం ప్రభాస్ సుజీత్ దర్శకత్వంలో నటిస్తున్న ‘సాహో’ తెలుగు, తమిళ, హిందీ భాషల్లో రూపొందుతోంది. ఇందులో శ్రద్ధాకపూర్ నాయికగా నటిస్తోంది. ఈ చిత్రాన్ని యూవీ క్రియేషన్స్ పతాకంపై వంశీ, ప్రమోద్‌లు నిర్మిస్తున్నారు. బాహుబలి 2 తరువాత వస్తున్న సాహో పై అంచనాలు భారీగానే ఉన్నాయి.