యూఏఈ:వాహనదారులు అక్టోబర్‌ నెలలో ఇంకాస్త ఎక్కువ మొత్తాన్ని పెట్రోల్‌ కోసం వినియోగించాల్సి వుంటుంది. అక్టోబర్‌ నెలకుగాను యూఏఈ మినిస్ట్రీ ఆఫ్‌ ఎనర్జీ, అంతర్జాతీయ స్థాయిలో చమురు ధరలను పరిగణనలోకి తీసుకుని అక్టోబర్‌ నెలకుగాను పెట్రోల్‌ ధరల్ని పెంచడం జరిగింది. అక్టోబర్‌ 1 నుంచి పెంచిన ధరలు అమల్లోకి వస్తాయి. సూపర్‌ 98 పెట్రోల్‌ ధర 2.61 దిర్హామ్‌లుగా నిర్ణయించారు. ఇప్పటిదాకా అది 2.59 దిర్హామ్‌లు మాత్రమే. 95 స్పెషల్‌ కేటగిరీ పెట్రోల్‌ ధర 2.48 దిర్హామ్‌ల నుంచి 2.50 దిర్హామ్‌లకు పెంచడం జరిగింది. డీజిల్‌ ధర 2.64 నుంచి 12 ఫిల్స్‌ పెరిగి, 2.76 దిర్హామ్‌లకు చేరుకుంది. అంతర్జాతీయ స్థాయిలో గత కొంతకాలంగా క్రూడ్‌ ఆయిల్‌ ధరలు గణనీయంగా పెరుగుతున్నాయి.