ఒమన్:సుల్తానేట్‌లో జరిగిన రోడ్డు ప్రమాదంలో ఇద్దరు బ్రిటిష్‌ మహిళలు ప్రాణాలు కోల్పోగా, ఓ బ్రిటిష్‌ వ్యక్తి గాయాలపాలయ్యారు. సలాలాలో హఫ్ఫా మార్కెట్‌ వద్ద ఈ రోడ్డు ప్రమాదం జరిగింది. ప్రమాదానికి కారణమైన కారు డ్రైవర్‌కి డ్రైవింగ్‌ లైసెన్స్‌ లేదని విచారణలో తేలినట్లు రాయల్‌ ఒమన్‌ పోలీస్‌ పేర్కొంది. ఒమన్‌ టూరిజం మినిస్ట్రీ బాధితుల వివరాల్ని వెల్లడించింది. గాయపడ్డ బ్రిటిష్‌ వ్యక్తి సమీపంలోని ఆసుపత్రిలో వైద్య చికిత్స పొందుతున్నారు. ఆయన ఆరోగ్య పరిస్థితి నిలకడగానే వుంది. ఒమన్‌ రాజధాని మస్కట్‌కి 860 కిలోమీటర్ల దూరంలో వుంది సలాలా. ప్రముఖ టూరిజం డెస్టినేషన్‌గా సుల్తానేట్‌లో సలాలా పేరు ప్రఖ్యాతులు గాంచింది.