యూఏఈలో నివాసితులకు చల్లని కబురు.. ఉష్ణోగ్రతలు తగ్గుముఖం పడుతున్నాయి. అత్యధిక ఉష్ణోగ్రత 42 డిగ్రీల సెల్సియస్‌క దిగివచ్చింది. సాధారణ నుంచి ఓ మోస్తరు గాలులు పలు చోట్ల వీయనున్నాయి. ఈ కారణంగా అక్కడక్కడా ధూళి మేఘాలు ఏర్పడే అవకాశం వుంది. తద్వారా విజిబిలిటీ తగ్గుతుందని నేషనల్‌ సెంటర్‌ ఫర్‌ మిటియరాలజీ పేర్కొంది. రాత్రి వేళల్లో హ్యుమిడిటీ ఎక్కువగా వుంటుంది. కొన్ని కోస్తా ప్రాంతాల్లోనూ, అలాగే అంతర్గత ప్రాంతాల్లోనూ ఫాగ్‌ మిస్ట్‌ ఏర్పడే అవకాశాలున్నాయి. అరేబియన్‌ గల్ఫ్‌, ఒమన్‌ సీ సాధారణ నుంచి మోస్తరు రఫ్‌గా వుండొచ్చు. క్రమంగా వేడి తగ్గి, రెసిడెంట్స్‌కి ఉల్లాసభరితమైన వాతావరణం రానున్న రోజుల్లో కన్పించనుందని వాతావరణ శాఖ అంచనా వేస్తోంది.