అమెరికాలోని న్యూయార్క్‌లో ఘోరా రోడ్డు ప్రమాదం జరిగింది. ఈ ఘటనలో అక్కడికక్కడే 20 మంది చనిపోయారు. ఆల్బెనీ సమీపంలోని స్కోహరీ కౌంటీలో రెండు కార్లు ఢీకొనడంతో ఈ ప్రమాదం చోటుచేసుకుంది.

ఓ ఎస్‌యూవీ తరహా పొడవాటి లిమౌసిన్ కారు రోడ్డు పక్కన పాదచారులను వేగంగా ఢీకొని ఓ స్టోర్‌లోకి దూసుకెళ్లింది. లిమౌసిన్ కారులో వివాహ రిసప్షన్‌కు వెళ్తున్న ఓ పెళ్లి బృందం ఉంది. చనిపోయిన 20 మందిలో కారులో ఉన్న వారు ఎంతమంది.. పాదచారులు ఎంతమంది.. అనే విషయాలతోపాటు చనిపోయిన వారి పేర్లను పోలీసులు ఇంకా వెల్లడించలేదు.

ప్రమాదం జరిగిన వెంటనే సహాయక సిబ్బంది రంగంలోకి దిగింది. ఘటనపై పోలీసులు విచారణ జరుపుతున్నారు. యాపిల్ బారెల్ కంట్రీ స్టోర్ అండ్ కేఫ్‌కు వెలుపల ఈ ప్రమాదం జరిగింది. ప్రమాదం జరిగిన ప్రాంతం న్యూయార్క్‌కు 270 కిలోమీటర్ల దూరంలో ఉంటుంది. ప్రమాదం సమయంలో లిమోనస్ వెహికిల్ పెళ్లి బృందాన్ని తీసుకు వస్తోంది.