మస్కట్‌: ఒమన్‌లో ఓ ఇండస్ట్రియల్‌ టైల్‌ ఫ్యాక్టరీ ఓనర్‌కి పది రోజుల జైలు శిక్ష, 500 ఒమన్‌ రియాల్స్‌ జరీమానా విధించింఇ న్యాయస్థానం. కన్స్యుమర్‌ ప్రొటెక్షన్‌ చట్టాన్ని ఉల్లంఘించినందుకుగాను ఈ చర్యలు తీసుకున్నట్లు పబ్లిక్‌ అథారిటీ ఫర్‌ కన్స్యుమర్‌ ప్రొటెక్షన్‌ (పిఎసిపి) పేర్కొంది. బురైమిలోని కోర్ట్‌ ఆఫ్‌ ఫస్ట్‌ ఇన్‌స్టాన్స్‌ నిందితుడికి ఈ శిక్ష విధించింది. కన్స్యుమర్‌ ఒకరు చేసిన ఫిర్యాదు నేపథ్యంలో కేసు నమోదు కాగా, విచారణలో బాధితుడి ఆరోపణలు నిజమని తేలింది. ఒప్పందం ప్రకారం అందించాల్సిన టైల్స్‌లో ఒప్పందం మేరకు క్వాలిటీ లేదని తేలింది. దీంతో నిందితుడిపై ఆరోపణలు నిజమని తేల్చిన న్యాయస్థానం నిందితుడికి జరీమానా, జైలు శిక్ష విధించింది.