రాజ్ కిరణ్ సినిమా బ్యానర్ పై రాజ్ కిరణ్ దర్శకత్వంలో తెరకెక్కుతున్న చిత్రం 'విశ్వామిత్ర'. నందితరాజ్, ప్రసన్నకుమార్, సత్యం రాజేశ్, అశుతోష్ రాణా, విద్యుల్లేఖా రామన్ తదితరులు ప్రధాన పాత్రల్లో నటించారు. మాధవి అద్దంకి, రజనీకాంత్.ఎస్ ఈ చిత్రాన్ని నిర్మించారు. అనూప్ రూబెన్స్ సంగీతం అందించారు. యూఎస్లో జరిగిన ఒక యథార్థ ఘటనను ఆధారంగా చేసుకుని హారర్, థ్రిల్లర్ గా ఈ సినిమా ప్రేక్షకుల ముందుకు రాబోతోంది.

తాజాగా 'విశ్వామిత్ర' టీజర్ విడుదలైంది. ఈ టీజర్ లో నందితను చూస్తుంటే 'త్రిపుర' సినిమాలో స్వాతిని చూసినట్టుగా అన్పిస్తోంది. ఎందుకంటే త్రిపుర సినిమాలో స్వాతి లుక్, విశ్వామిత్రలో నందిత లుక్ ఒకేలాగా ఉన్నాయి. ఇక ఈ టీజర్ చూస్తుంటే 'ప్రేమకథా చిత్రం'లో దెయ్యం ప్రాతలో అలరించిన నందిత ఈ సినిమాలో కూడా భయపెట్టబోతోందా ? అనే ఆసక్తి అందరిలో మొదలైంది.