అబుదాబీ కోర్నిచ్‌లోని అల్‌ బహర్‌ బీచ్‌ను మూసివేస్తూ నిర్ణయం తీసుకున్నారు. క్యాపిటల్‌ వాటర్స్‌లో వేల్‌ షార్క్‌ని కనుగొనడంతో ఈ నిర్ణయం తీసుకున్నారు. ఎన్విరాన్‌మెంట్‌ ఏజెన్సీ - అబుదాబీ, అంతరించిపోతున్న జలచరాల్లో ఒకటైన వేల్‌ షార్క్‌, కసర్‌ అల్‌ అమ్వాజ్‌ ప్రాంతంలో కన్పించిన నేపథ్యంలో చేసిన సూచన మేరకు అబుదాబీలోని ప్రముఖ లీజర్‌ డెస్టినేషన్‌ బీచ్‌ని మూసివేయడం జరిగింది. ఈ శుక్రవారం తిరిగి బీచ్‌లోకి సందర్శకుల్ని అనుమతిస్తారని అధికారులు పేర్కొన్నారు. వేల్‌ షార్క్‌ ప్రమాదకరమైనది కాదని ఎన్విరాన్‌మెంట్‌ ఏజెన్సీ అబుదాబీ (ఈఏడి) పేర్కొంది. వేల్‌ షార్క్‌ గనుక కన్పిస్తే, దానికి దగ్గరగా వెళ్ళరాదని, తగినంత దూరంలో వుండాలని బోటుపై ప్రయాణించేవారిని, స్విమ్‌ చేసేవారిని అప్రమత్తం చేసింది ఇఎడి. వేల్‌ షార్క్‌ నెమ్మదిగా వెళుతుందనీ, ఇది ఫిల్టర్‌ ఫీడింగ్‌ కార్పెట్‌ షార్క్‌ అనీ పేర్కొన్నారు అధికారులు.