నటి రేవతిపై కొచ్చికి చెందిన ఓ వ్యక్తి పోలీసులకు ఫిర్యాదు చేశాడు. కొన్నేళ్ల క్రితం షూటింగ్‌ సమయంలో 17 ఏళ్ల బాలికపై ఎవరో అఘాయిత్యానికి పాల్పడ్డారని ఆమె చెప్పారన్నారు. అయితే ఆ బాధితురాలు పేరు చెప్పకుండా ఆమె దాచారని ఆరోపించాడు కేరళలోని ఎర్నాకులంకు చెందిన సియాజ్ జమాస్ అనే వ్యక్తి. ఈ వ్యవహారంపై నటి రేవతిపై కేసు నమోదు చేసి విచారణ జరపాలని పోలీసులకు ఫిర్యాదు చేశాడు.

ఈ ఫిర్యాదుపై రేవతి స్పందించారు. 17 ఏళ్ల బాలికపై అఘాయిత్యం జరిగిందని తాను ఎక్కడా చెప్పలేదని అన్నారు. ఆ రోజు అర్ధరాత్రి తాను బస చేసిన హోటల్‌ గదికి కాపాడండి అంటూ ఓ బాలిక, బామ్మ భయంతో తన దగ్గరికి వచ్చారని తెలిపారు. ఆ నైట్ అంతా వారితో నిద్రలేకుండా గడిపినట్లు తెలిపారు. అయితే మహిళలకు రక్షణ కల్పించాలనే ఉద్దేశంతోనే తాను ఆ సంఘటన గురించి ప్రస్థావించానని రేవతి వివరించారు.