సుమంత్ అశ్విన్, నందిత శ్వేత జంటగా నటించిన మూవీ “ప్రేమ కథా చిత్రం 2”. ఈ మూవీ మెద‌టి లుక్‌ని దసరా సందర్భంగా చిత్ర యూనిట్ రిలీజ్ చేసింది.

ప్రేమ కథా చిత్రమ్ తో ట్రెండ్ ని క్రియెట్ చేసి, జక్కన్న తో కమ‌ర్షియ‌ల్ స‌క్స‌స్ ని సాదించిన ఆర్‌.పి.ఏ క్రియోష‌న్స్ బ్యాన‌ర్ లో ప్రోడ‌క్ష‌న్ నెం-3 గా ఈ మూవీ తెర‌కెక్కుతుంది. ఈ చిత్రంతో హ‌రి కిషన్ ద‌ర్శ‌కుడుగా ప‌రిచ‌యం అవుతున్నాడు.

ఈ మూవీలో సుమంత్ అశ్విన్‌, సిధ్ధి ఇద్నాని జంట‌గా న‌టిస్తున్నారు. ఎక్క‌డికి పోతావు చిన్న‌వాడా లాంటి సూప‌ర్‌డూప‌ర్ హిట్ చిత్రంలో త‌న పెర్‌ఫార్మెన్స్ తో తెలుగు ప్రేక్ష‌కుల్ని విప‌రీతంగా ఆక‌ట్టుకున్న నందిత శ్వేత మెయిన్ హీరోయిన్ గా న‌టిస్తుంది. ఆర్ పి ఏ క్రెయేషన్స్ బ్యానర్లో వస్తున్న ఈ మూవీని సుదర్శన్ రెడ్డి నిర్మిస్తున్నారు. జె.బి సంగీతం అందిస్తున్న ఈ మూవీని న‌వంబ‌ర్ నెలాఖ‌రుకి విడ‌దుల చేయటానికి మూవీ యూనిట్ స‌న్నాహాలు చేస్తోంది.