సంచలనాల దర్శకుడు రామ్ గోపాల్ వర్మ తన జీవితంలో చేయడనుకున్న పని చేసేశాడు. తిరుమల శ్రీవారిని దర్శించుకున్నారు డైరెక్టర్‌ రాంగోపాల్‌వర్మ. తాను నాస్తికుడిని అంటూనే…… వెంకన్నను దర్శించడం విశేషం. ఈ సాయంత్రం 4 గంటలకు తిరుపతిలో.. లక్ష్మీస్ ఎన్టీఆర్ సినిమా వివరాలను చెప్పనున్నారు వర్మ. అసలు…. వివాదాల వర్మ బాలాజీ దర్శనానికి….. ఎందుకు వెళ్లాడనేది ఇప్పుడు ప్రశ్నార్ధకంగా మారింది. పబ్లిసిటీ కోసం వర్మ….. దేవుడిని కూడా వాడేసుకుంటున్నాడా? అనే అనుమానాలు కలుగుతున్నాయి. నిన్న కాణిపాకం దర్శించుకున్న ఆర్జీవీ ఇవాళ తిరుమల దర్శనం వెనుక…. పబ్లిసిటీ లెక్కలున్నట్లు తెలుస్తోంది.

దేవుడంటేనే ఆమడం దూరం ఉండే.. వర్మ …. దసరా వేళ అందర్నీ ఆశ్చర్యపర్చుతూ కాణిపాకం వినాయకుడిని దర్శించుకున్నారు. సిబ్బంది ఆయనకు పూలమాలలు వేసి ఆహ్వానం పలకగా.. వర్మ పూజలు చేశారు. వేదపండితులు మంత్రోచ్ఛరణలతో వర్మ కుటుంబ సభ్యులను ఆశీర్వదించారు. ఆలయ నిర్వాహకులు వినాయకుడి చిత్రపటం, ప్రసాదం అందజేశారు. అనంతరం సాధారణ భక్తుల తరహాలోనే ఆలయంలో కలియతిరుగుతూ వర్మ దైవదర్శనం చేసుకున్నారు.