మస్కట్‌: విలాయత్‌ ఆఫ్‌ సీబ్‌లో దొంగతనానికి పాల్పడి, ఆపై దాడికి తెగబడిన ఇద్దరు వ్యక్తుల్ని అరెస్ట్‌ చేసినట్లు రాయల్‌ ఒమన్‌ పోలీస్‌ పేర్కొంది. నిందితులపై గతంలో క్రిమినల్‌ రికార్డ్స్‌ వున్నట్లు పోలీసులు తెలిపారు. దొంగతనం, దాడి కేసులో నిందితుల్ని ఖౌద్‌ పోలీస్‌ స్టేషన్‌ సిబ్బంది చాకచక్యంగా అరెస్ట్‌ చేశారని రాయల్‌ ఒమన్‌ పోలీస్‌ ఓ ప్రకటనలో వెల్లడించింది. ఇంటి ముందు నిల్చున్న వ్యక్తిపై దాడి చేసిన నిందితుడు, అతని వద్ద డబ్బుని లాక్కుని, దాడి చేశాడు. విచారణలో నిందితుడికి సహకరించిన మరికొందరిని గుర్తించిన పోలీసులు వారినీ అరెస్ట్‌ చేయడం జరిగింది.