మస్కట్‌: ఆసియా జాతీయుడి హత్య కేసులో ముగ్గుర్ని క్రిమినల్‌ ఇన్వెస్టిగేషన్‌ డిపార్ట్‌మెంట్‌ - దోఫార్‌ పోలీస్‌ అరెస్ట్‌ చేసింది. అల్‌ వుస్తా పోలీస్‌ సహకారంతో ఈ అరెస్టులు జరిగినట్లు రాయల్‌ ఒమన్‌ పోలీస్‌ వెల్లడించడం జరిగింది. నిందితులు, ఒకర్ని హత్య చేయగా, మరొకర్ని తీవ్రంగా గాయపరిచినట్లు పోలీసులు తెలిపారు. నిందితుల్లో ఇద్దరిని విలాయత్‌ ఆఫ్‌ హైమాలో అరెస్ట్‌ చేయగా, మరొకర్ని విలాయత్‌ ఆఫ్‌ తుమరైత్‌లో అరెస్ట్‌ చేశారు. అరెస్టు చేసిన నిందితుల్ని తదుపరి విచారణ నిమిత్తం పబ్లిక్‌ ప్రాసిక్యూషన్‌కి అప్పగించారు. గాయపడ్డ వ్యక్తి ఇచ్చిన సమాచారంతో పోలీసులు నిందితుల్ని అరెస్ట్‌ చేశారు.