మస్కట్‌: డెలివరీ సందర్భంగా వాహనానికి డ్యామేజ్‌ కావడంతో వినియోగదారుడు పబ్లిక్‌ అథారిటీ ఫర్‌ కన్స్యుమర్‌ ప్రొటెక్షన్‌ని ఆశ్రయించడం జరిగింది. ఈ కేసులో బాధిత వ్యక్తికి 10,000 ఒమన్‌ రియాల్స్‌ రిఫండ్‌గా లభించింది. పిఎసిపి అథారిటీస్‌, వాహన డీలర్‌కి సమన్లు జారీ చేసింది. ఈ నేపథ్యంలో ఇరువర్గాలూ సెటిల్‌మెంట్‌కి ముందుకొచ్చాయి. మొత్తం 10,058 ఒమన్‌ రియాల్స్‌ తిరిగి ఇచ్చేందుకు ఒప్పదం కుదుర్చుకుంది డీలర్‌షిప్‌ సంస్థ. వినియోగదారుడు తాను కొనుగోలు చేసిన వస్తువులో ఏమైనా సమస్యలుంటే, దాన్ని మార్చుకునేందుకు, ఉచితంగా రిపెయిర్‌ చేయించుకునేందుకు, డబ్బులు తిరిగి తీసుకునేందుకు వీలుగా ఆర్టికల్‌ 25 కన్స్యుమర్‌ ప్రొటెక్షన్‌ చట్టం అవకాశం కల్పిస్తుంది.