మస్కట్‌: మాస్క్‌లోని ఛారిటీ బాక్స్‌ దొంగతనానికి పాల్పడిన వ్యక్తికి న్యాయస్థానం నెల రోజులపాటు జైలు శిక్ష విధించింది. ఇజ్కిలోని న్యాయస్థానం ఈ శిక్షను ఖరారు చేసింది. జైలు శిక్షతోపాటు నిందితుడు, నెలలో అన్ని శుక్రవారాలూ మూడు గంటలపాటు మసీదులో కమ్యూనిటీ సర్వీస్‌ చేయాలని న్యాయస్థానం ఆదేశించింది. మాస్క్‌ని పరిశుభ్రంగా వుంచడం కూడా ఇందులో భాగం. ఇలాంటి శిక్షను విధించడం దేశంలో ఇదే తొలిసారి. మాస్క్‌ నిర్వాహకులు, దొంగతనం గురించి ఫిర్యాదు చేయడంతో నిందితుడి బాగోతం బయటపడింది. సీసీటీవీ ఫుటేజ్‌ పరిశీలించిన అనంతరం నిందితుడ్ని నేరస్తుడిగా నిర్ధారించారు.