ఎన్టీఆర్ సినిమాల్లో వేటగాడు సినిమాకు ఉన్న క్రేజ్ ఎలాంటిదో అందరికి తెలిసిందే. ఈ సినిమా అప్పట్లో సెన్సేషనల్ హిట్ అయింది. ఇందులోని ఆకు చాటు పిందె తడిసె సాంగ్ అదిరిపోతోంది. అతిలోక సుందరి శ్రీదేవితో ఎన్టీఆర్ స్టెప్పులు భలేగా ఉంటాయి. చక్రవర్తి బాణీలకు వేటూరి సాహిత్యం అద్భుతంగా కుదిరింది. ఇప్పుడు ఈ పాటను ఎన్టీఆర్ బయోపిక్ లో రీమిక్స్ చేస్తున్నారు. కీరవాణి బాణీలు సమకూరుస్తున్నారు.

కాగా ఈ సాంగ్ ను బాలకృష్ణ, రకుల్ ప్రీత్ సింగ్ పై చిత్రీకరించారు. దీనికి సంబంధించిన స్టిల్స్ కొన్నింటిని ఇటీవలే యూనిట్ రిలీజ్ చేసింది. తాజాగా ఎన్టీఆర్ పాత్రలో ఉన్న బాలకృష్ణ స్టిల్ ను రిలీజ్ యూనిట్ సోషల్ మీడియాలో రిలీజ్ చేసింది. ఈ పిక్ ఇప్పుడు సోషల్ మీడియాలో హల్చల్ చేస్తున్నది.