దుబాయ్‌:దుబాయ్‌లో పబ్లిక్‌ ట్రాన్స్‌పోర్ట్‌ని వినియోగిస్తే అరుదైన అద్భుతమైన బహుమతి పొందొచ్చు. 1,50,000 దిర్హామ్‌ల విలువైన బహుమతులు ఎదురుచూస్తున్నాయి ప్రయాణీకుల కోసం. రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ) 9వ పబ్లిక్‌ ట్రాన్స్‌పోర్ట్‌ డే సందర్భంగా ఈ ఆఫర్‌ ప్రకటించింది. నవంబర్‌ 1వ తేదీన పబ్లిక్‌ ట్రాన్స్‌పోర్ట్‌ డే. మొత్తం ఐదుగురికి 100,000 దిర్హామ్‌లు గెల్చుకునే అవకాశం వుండగా, ఇందులో ఒక బహుమతిని పర్సన్‌ ఆఫ్‌ డిటర్మినేషన్‌కి కేటాయించారు. 50,000 విలువైన బహుమతులు ఆర్‌టిఎకి చెందిన వినియోగదారులకు అందిస్తారు. దీనికి అదనంగా అక్టోబర్‌ 25 నుంచి నవంబర్‌ వరకు పబ్లిక్‌ ట్రాన్స్‌పోర్ట్‌ని వినియోగిస్తే, ఎన్‌ఓఎల్‌ ప్లస్‌లో పాయింట్లు ట్రిపుల్‌ అవుతాయి.