'ఎఫ్ 2'తో బిజీగా వున్నారు వెంకటేష్‌. ఈ సినిమా తర్వాత ఆయన కొత్త సినిమా ఇంకా ఫిక్స్ కాలేదు. త్రివిక్రమ్ తో సినిమా అటు ఇటుగా వుంది. అయితే ఇప్పుడు ఆయన లైన్ లోకి మరో దర్శకుడు వచ్చాడు. అతడే త్రినాథరావు నక్కిన.

సినిమా చూపిస్త మావ, నేను లోకల్ చిత్రాలతో ఆకట్టుకున్నాడు త్రినాథరావు నక్కిన. రామ్‌తో తెరకెక్కించిన 'హలో గురు ప్రేమ కోసమే' కూడా హిట్ అనిపించుకుంది. అందుకే త్రినాథరావుకి మరో బంపర్ ఆఫర్ దక్కింది. త్వరలోనే వెంకటేష్‌తో కలసి ఓ సినిమా చేస్తున్నారాయన.

కిరణ్ రెడ్డి, భరత్ చౌదరి ఈ చిత్రాన్ని నిర్మిస్తారు. డి.సురేష్ బాబు భాగస్వామిగా ఉంటారని తెలుస్తోంది. ప్రస్తుతం స్క్రిప్టు పనులు జరుగుతున్నాయి. ఇది వెంకీ స్టైల్‌లో సాగే పూర్తి వినోదాత్మక చిత్రమని సమాచారం.