భారతీయులను పెళ్లి చేసుకునే విదేశీయులకు కేంద్ర హోం శాఖ శుభవార్త చెప్పింది. భారత జాతీయత కలిగిన వ్యక్తి లేదా విదేశాల్లోని భారత పౌరసత్వం ఉన్న వ్యక్తిని పెళ్లి చేసుకున్న విదేశీయులకు ఇక నుంచి ఓవర్‌సీస్‌ సిటిజన్‌ ఆఫ్‌ ఇండియా(ఓసీఐ) కార్డు లభిస్తుంది. వీటి ద్వారా కార్డుదారుకు ఎన్నో ప్రయోజనాలు కలుగుతాయి. ఓసీఐ జారీ నిబంధనల్లో మార్పులు తెస్తూ కేంద్రం మంగళవారం ఉత్తర్వులిచ్చింది. విదేశాల్లో స్థిరపడిన భారతీయులు తమ భారత పౌరసత్వాన్ని వదులుకుని, విదేశీ పౌరసత్వం పొందేందుకు కూడా నిబంధనలను సరళతరం చేసింది.