మస్కట్‌: శుక్రవారం ఉదయం 377 మంది వలస కార్మికుల్ని రువీలో అరెస్ట్‌ చేసినట్లు రాయల్‌ ఒమన్‌ పోలీస్‌ ప్రకటించింది. రాయల్‌ ఒమన్‌ పోలీస్‌, మినిస్ట్రీ ఆఫ్‌ మేన్‌ పవర్‌ సంయుక్తంగా నిర్వహించిన ఆపరేషన్‌లో ఈ అరెస్టులు జరిగాయి. అరెస్టయినవారంతా ఆసియా జాతీయులే. వీరిలో మహిళలు, పురుషులు వున్నారు. లేబర్‌ చట్టం అలాగే రెసిడెంట్‌ చట్టం ఉల్లంఘనలకు పాల్పడినందుకు వీరిని అరెస్ట్‌ చేసినట్లు వివరించారు రాయల్‌ ఒమన్‌ పోలీసులు. అరెస్టయినవారిపై సంబంధిత చట్టాల మేరకు కేసులు నమోదు చేయడం జరిగింది.