అమెరికాలోని పిట్స్‌బర్గ్‌లో శనివారం కాల్పుల కలకలం చోటుచేసుకుంది. యూదుల ప్రార్థనా మందిరం వద్ద జరిగిన ఈ దుర్ఘటనలో 11 మంది మృతి చెందారు. ఆరుగురు గాయపడ్డారు. దుండగుడు సెమీఆటోమెటిక్‌ రైఫిల్‌తో కాల్పులకు పాల్పడినట్లు పోలీసులు వెల్లడించారు. సమాచారం అందుకున్న వెంటనే పోలీసులు ఘటనా స్థలికి చేరుకొని నిందితునిపై ఎదురుకాల్పులు జరిపారు. గాయపడిన అతడిని ఆస్పత్రికి తరలించారు. ఈ కాల్పుల్లో నలుగురు పోలీసులు కూడా గాయపడ్డారు. కాల్పులు జరిపినపుడు 'యూదులందరూ చనిపోవాల్సిందే' అని నిందితుడు నినాదాలు చేశాడు.