హైదరాబాద్ లో నాగార్జున ఇంజినీరింగ్‌ కళాశాల 'ఐక్య-2018' పేరిట శనివారం నిర్వహించిన కార్యక్రమంలో టాలీవుడ్‌ సినీ నటుడు అల్లు అర్జున్‌ పాల్గొన్నారు. వివిధ అంశాలపై విద్యార్థులకు పోటీలు నిర్వహించి బహుమతులు ప్రదానం చేశారు.'ఇక్కడి విద్యార్థుల్ని చూస్తుంటే నా కళాశాల రోజులు గుర్తుకు వస్తున్నాయి. విద్యార్థి దశలో వినోదంతో పాటు చదువునూ కొనసాగించాలి. దేన్నీ తక్కువగా చూడరాదు' అని అల్లు అర్జున్‌ సూచించారు. ఆయనను కళాశాల నిర్వహకులు మైసూరు పేటాతో సత్కారించారు.