బహ్రెయిన్‌:నవంబర్‌ 24న ప్రారంభమయ్యే ఎన్నికల కోసం ఏర్పాట్లు జోరుగా సాగుతున్నాయి. గతంలో జరిగిన ఎన్నికలతో పోల్చితే, 2018 ఎన్నికలు బహ్రెయినీలందరిలోనూ కొత్త ఆసక్తిని క్రియేట్‌ చేస్తున్నాయని నిస్సందేహంగా చెప్పొచ్చు. ఇప్పటిదాకా రిజిస్టర్‌ చేసుకున్న అభ్యర్థుల్లో 42 మంది మహిళలు వుండడం మరో విశేషం. ఇదే బహ్రెయిన్‌ ఎన్నికల చరిత్రలో అతి పెద్ద రికార్డ్‌గా అభివర్ణిస్తున్నారు.12 మంది ఇక్‌క్యుబెంట్‌ ఎంపీలు ఈసారి పోటీ చేయడంలేదు. లిస్ట్‌లో పార్లమెంట్‌ స్పీకర్‌ అహ్మద్‌ అల్‌ ముల్లా, ఇద్దరు డిప్యూటీస్‌ అలి అల్‌ అరాది, అల్‌ అస్లాహ్‌ సొసైటీ అబ్దుల్‌హలిమ్‌ మురాద్‌ వున్నారు. 2014 విమెన్‌ ఎంపీలలో డాక్టర్‌ జమీలా అల్‌ సమ్మాక్‌, ఫాతిమా అల్‌ అస్ఫూర్‌ 2018 ఎన్నికల్లో పోటీ చేయడంలేదు. 2014తో పోల్చితే 2018 ఎన్నికలకు అభ్యర్థుల సంఖ్య 56 శాతం పెరిగింది. 15 మంది ప్రస్తుత మున్సిపల్‌ కౌన్సిల్‌ మెంబర్స్‌ ఈసారి పార్లమెంటరీ రేస్‌లో పోటీ చేయబోతున్నారు.