ఒమన్:మొత్తం 141 మంది వలస కార్మికుల్ని గురువారం అరెస్ట్‌ చేసినట్లు మినిస్ట్రీ ఆఫ్‌ మేన్‌ పవర్‌ వెల్లడించింది. డాన్‌లో వీరిని అరెస్ట్‌ చేశారు. వలస కార్మికులు, లేబర్‌ చట్ట ఉల్లంఘనలకు పాల్పడ్డారనే అభియోగాల మేరకు ఈ అరెస్టులు జరిగాయి. మినిస్ట్రీ, రాయల్‌ ఒమన్‌ పోలీస్‌ సంయుక్తంగా నిర్వహించిన తనిఖీల్లో నిబంధనల్ని ఉల్లంఘించిన వలస కార్మికుల్ని అరెస్ట్‌ చేశారు. జుఫ్‌నైన్‌, అల్‌ సీబ్‌ ప్రాంతాల్లో తనిఖీలు జరిగాయి. అరెస్ట్‌ చేసినవారిపై చట్ట పరమైన చర్యలు తీసుకోనున్నారు. అరెస్ట్‌ చేసినవారంతా ఆసియా జాతీయులేనని అధికారులు పేర్కొన్నారు. వీరంతా దేశంలోకి అక్రమంగా ప్రవేశించారని అధికారులు స్పష్టం చేశారు.