దుబాయ్‌:పబ్లిక్‌ ట్రాన్స్‌పోర్ట్‌ పట్ల ఎంతలా అవగాహన పెరుగుతున్నా, దుబాయ్‌లో సొంత కార్ల వినియోగం కూడా తగ్గడంలేదు. రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ) వెల్లడించిన వివరాల ప్రకారం, ఎమిరేట్‌లో వెహికిల్‌ డెన్సిటీ ప్రపంచంలో టాప్‌ లిస్ట్‌లో స్థానం దక్కించుకుంది. ప్రతి ఇద్దరిలో ఒకరికి దుబాయ్‌లో కారు వున్నట్లు తెలుస్తోంది. వెయ్యి మందిలో 540 వెహికిల్స్‌ వున్నట్లుగా గణాంకాలు వెల్లడిస్తున్నాయి. న్యూయార్క్‌, లండన్‌, సింగపూర్‌ మరియు ఖాంగ్‌ కాంగ్‌లలో ఈ సంఖ్య 305, 2013, 101, 63 వాహనాలుగా మాత్రమే వుంది. 2006 గణాంకాల ప్రకారం దుబాయ్‌లో వాహనాల సంఖ్య 740,000 కాగా, 2014 నాటికి అది 1.4 మిలియన్‌కి చేరుకుంది. ప్రతిరోజూ ఎమిరేట్‌లోకి ఇతర ఎమిరేట్స్‌ నుంచి వస్తున్న వాహనాల సంఖ్య దాదాపుగా 450,000 వరకు వుందంటే ఆశ్చర్యకరమే మరి.