అబుదాబీ:పాలస్తీనా జాతీయుడు, అబుదాబీ రెసిడెంట్‌ అయిన 33 ఏళ్ళ తారెక్‌ అల్‌ సక్కా, 2012లో జరిగిన ఓ ప్రమాదంలో కాలుని కోల్పోయాడు. ఆ ఘటన తర్వాత తన జీవితం పూర్తిగా మారిపోయిందంటాడు తారెక్‌. జీవితం విలువ ఏంటో తనకు ఆ ఘటనతో తెలిసిందని చెబుతున్న తారెక్‌, అప్పటినుంచి ఫిట్‌నెస్‌పై అవగాహనను పెంచుకున్నాడు. 30 రోజుల దుబాయ్‌ ఫిట్‌నెస్‌ ఛాలెంజ్‌ని యాక్సెప్ట్‌ చేసిన తారెఖ్‌, దీన్నొక అద్భుతమైన అవకాశంగా మలచుకుంటున్నట్లు చెప్పాడు. ఓ కాలు లేకపోయినా, ఫిట్‌నెస్‌పై తనకు ఇష్టం పెరిగిందే తప్ప, తగ్గలేదని నిరూపిస్తూ కష్టతరమైన కసరత్తుల్నీ సులువుగా చేయగలుగుతున్నాడు. తారెక్‌ ఫిట్‌నెస్‌ కోసం చూపుతున్న శ్రద్ధ అందర్నీ ఆశ్చర్యపరుస్తోంది. ఓ కాలిని రెగ్యులర్‌ రన్నింగ్‌ కోసం వినియోగిస్తున్న తాను, స్విమ్మింగ్‌ కోసం మాత్రం వాటర్‌ ప్రూఫ్‌ లెగ్‌ని వినియోగిస్తున్నట్లు తారెక్‌ చెబుతున్నారు.