కమల్ హాసన్, శంకర్ కాంబినేషన్ లో వచ్చిన 'భారతీయుడు' చిత్రం ఎలాంటి సంచలన విజయం సాధించిందో తెలియంది కాదు..తమిళ్ , తెలుగు భాషల్లో రికార్డ్స్ స్థాయిలో కలెక్షన్స్ సాధించి సూపర్ హిట్ గా నిలిచింది. ఆ తరవాత ఈ సినిమాను సీక్వెల్ తెరకెక్కిందామని అనుకున్నారు కానీ అది కుదరలేదు. మళ్లీ ఇంత కాలానికి దీనికి సీక్వెల్ తెరపైకి వచ్చి అభిమానుల్లో ఆసక్తి పెంచుతుంది. ప్రస్తుతం ప్రీ పోస్ట్ ప్రొడక్షన్ పనులు పూర్తి చేసుకున్న ఈ మూవీ జనవరి నుండి సెట్స్ పైకి వెళ్లనుంది.
 
ఇక ఈ మూవీ లో ఓ కీలక పాత్రలో మహానటి ఫేమ్ సల్మాన్ దుర్క్యూర్ నటిస్తున్నట్లు సమాచారం. తెలుగులో మహానటి సినిమా ద్వారా మంచి పేరు తెచ్చుకున్న సల్మాన్ , అంతకు ముందు ఓకే బంగారం సినిమాతో తెలుగు తెరపై కనిపించాడు. ఈ క్రేజీ ప్రాజెక్టులో హీరోయిన్‌గా నయనతార పేరు వినిపిస్తోంది. ఈ చిత్రానికి యువ సంగీత దర్శకుడు అనిరుద్ రవిచంద్రన్ ను ఖరారు చేయగా , ప్రముఖ నిర్మాణ సంస్థ లైకా ప్రొడక్షన్ వారు ఈ చిత్రాన్ని నిర్మిస్తున్నారు.