తెలంగాణ ఆపద్ధర్మ ముఖ్యమంత్రి, టీఆర్ఎస్ అధినేత కేసీఆర్ జీవితం బయోపిక్‌గా తెరకెక్కుతున్న విషయం తెలిసిందే. అల్లూరి కృష్ణంరాజు దర్శకత్వంలో రూపొందుతున్న ఈ చిత్రానికి 'ఉద్యమ సింహం' అనే టైటిల్‌ను చిత్రబృందం ఫిక్స్ చేసింది. ఈ సినిమా ఫస్ట్‌లుక్ నేడు(మంగళవారం) చిత్రబృందం విడుదల చేసింది. కేసీఆర్ పాత్రలో ప్రముఖ నటుడు నాజర్ నటిస్తున్నారు. ఈ చిత్ర షూటింగ్ దాదాపు పూర్తి కావస్తోంది. కేసీఆర్ బాల్యం, ప్రత్యేక తెలంగాణ ఉద్యమం, రాష్ట్ర సాధనతో కూడిన పలు అంశాల సమాహారంగా ఈ చిత్రం తెరకెక్కుతోంది. ఈ నెల 16న ఆడియోను చిత్ర యూనిట్ రిలీజ్ చేయనుంది.