యూత్ లో తమన్నా గ్లామర్ కున్న ఫాలోయింగ్ గురించి ప్రత్యేకంగా చెప్పక్కర్లేదు. అలాగే యువ హీరోల్లో మంచి సక్సెస్ చిత్రాల్లో నటించిన సందీప్ కిషన్.. నటుడిగా ఒక్కో మెట్టు ఎక్కుతున్నాడు. ఇప్పుడు వీరిద్దరి కలయికలో వస్తున్న మూవీ ‘నెక్ట్స్ ఏంటి’.

ఇండియన్ సినిమా చరిత్రలోనే తొలిసారి ఓ బాలీవుడ్ డైరెక్టర్ తెలుగు సినిమా కి దర్శకత్వం వహిస్తుండడం విశేషం. ‘ఫనా’, ‘హమ్ తుమ్’ చిత్రాల దర్శకుడు కునాల్ కోహ్లి ఈ మూవీకి దర్శకత్వంలో వహిస్తున్నారు. రొమాంటిక్ ఎంటర్ టైనర్‌గా తెరకెక్కుతున్న ఈ మూవీలో నవదీప్, పూనమ్ కౌర్ ముఖ్య పాత్రల్లో నటిస్తున్నారు.

కథకళి, కిల్లింగ్ వీరప్పన్ వంటి చిత్రాల్ని గ్రాండ్ గా రిలీజ్ చేసిన నిర్మాత గౌరీ కృష్ణ.. ఈ క్రేజీ ప్రాజెక్టు తెలుగు హక్కుల్ని దక్కించుకున్నారు. ‘నెక్ట్స్ ఏంటి’ మూవీని డిసెంబర్ ప్రథమార్థంలో తెలుగు రాష్ట్రాల్లో అత్యధిక థియేటర్లలో రిలీజ్ చేసేందుకు ప్లాన్ చేస్తున్నారు శ్రీ కృష్ణ క్రియేషన్స్ అధినేత గౌరి కృష్ణ.