సురేందర్ రెడ్డి - చిరంజీవి కాంబినేషన్ లో తెరకెక్కుతున్న భారీ చిత్రం 'సైరా'. చిరు సరసన నయనతార నటిస్తున్న సంగతి తెలిసిందే. లేడీ సూపర్ స్టార్ గా పేరు తెచ్చుకున్న నయనతార తమిళం మంచి క్రేజ్ ఉంది. అక్కడ ఆమె లేడీ ఓరియెంటెడ్ సినిమాలకి స్టార్ హీరోల సినిమాల స్థాయిలో కాసుల వర్షం కురుస్తుండటం విశేషం. దాంతో ఆమెకు అక్కడ అవకాశాలు మీద అవకాశాలు వస్తున్నాయి. దాంతో ఆమె తెలుగులో సినిమాలు తగ్గించేసింది.

బాలకృష్ణ..వెంకటేష్..చిరంజీవి లాంటి స్టార్ హీరోల సినిమాలు తప్ప తెలుగులో సినిమాలు ఒప్పుకోవడంలేదు. ఈనేపథ్యంలో ఆమె 'సైరా'లో చేయడానికి అంగీకరించినా, ఆమె ఇచ్చిన డేట్స్ తక్కువేనట. ప్రస్తుతం జరుగుతున్న షెడ్యూల్ కోసం ఆమె ఇచ్చిన డేట్స్ 3 రోజులేనట.

సో డైరెక్టర్ సురేందర్ రెడ్డి ఆమెకు సంబంధించి సీన్స్ అన్ని ఫాస్ట్ గా పూర్తి చేస్తున్నాడట. లేదంటే మళ్లీ ఆమె డేట్స్ ఎప్పటికో గాని లేవట. చాలా ప్లాన్డ్ గా ఆ సీన్స్ షూట్ చేస్తున్నారని తెలుస్తుంది. రామ్ చరణ్ నిర్మిస్తున్న ఈసినిమా వచ్చే ఏడాది సమ్మర్ రిలీజ్ అవ్వవచ్చని చెబుతున్నారు కానీ అప్పటికి డౌటే అంటున్నారు సినీ విశ్లేషకులు.