రాజమౌళి దర్శకత్వంలో తెరకెక్కనున్న తారక్-చరణ్ ల మల్టీస్టారర్ 'RRR' (వర్కింగ్‌ టైటిల్‌) రెగ్యూలర్ షూటింగ్ కొద్దిసేపటి క్రితమే ప్రారంభం అయ్యింది. ఈ విషయాన్ని చెబుతూ దర్శకుడు రాజమౌళి ట్విట్ చేశారు. తొలిరోజు సెట్స్ లో తారక్, చరణ్ లతో కలిసి దిగిన ఫోటోని పోస్ట్ చేశారు. తొలిరోజు షూటింగ్ లో పాల్గొనబోతున్న చరణ్ కి ఆయన సతీమణి ఉపాసన 'ఆల్ ది బెస్ట్' చెబుతూ ట్విట్ చేసింది. చరణ్ తో తారక్ కూడా తొలిరోజే నుంచే షూటింగ్ లో పాల్గొనబోతున్నారు.

ఈ సినిమా కోసం 'రామ రావణ రాజ్యం', 'తారక్‌రామ్‌' అనే టైటిళ్లను ప్రచారంలో ఉన్నాయి. దీన్ని బట్టి తారక్, చరణ్ లలో ఒకరు నెగటివ్ షేడ్స్ ఉన్నపాత్రల్లో కనిపించబోతున్నారనే విషయం అర్థమవుతోంది. వీరి సరసన జతకట్టే హీరోయిన్స్ ఎవరన్నది ఇంకా తెలియాల్సి ఉంది. మొత్తం ముగ్గురు హీరోయిన్స్ ఉండబోతున్నారు. ఇందులో ఒకరు ఫారిన్ బ్యూటీని చెబుతున్నారు.

ఈ చిత్రానికి కీరవాణి సంగీతం అందించనున్నారు. డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య నిర్మిస్తున్నారు. ఈ చిత్రాన్ని 2020లో ప్రేక్షకుల ముందుకు తీసుకురానున్నారు.