యూఏఈ: మొరాకో మహిళ, తన మాజీ బాయ్‌ఫ్రెండ్‌ని అతి కిరాతకంగా హత్య చేసింది. హత్య అనంతరం మృతదేహాన్ని ముక్కలుగా కోసి, కొంత భాగాన్ని వంట చేసి, ఆ వంటకాన్ని తన ఇంటి సమీపంలో వున్న కన్‌స్ట్రక్షన్‌ కార్మికులకు వడ్డించింది. ఈ కేసు విచారణ శరవేగంగా జరుగుతోందిప్పుడు. మృతుడి ఆచూకీ కోసం అతని సోదరుడు ప్రయత్నించడంతో ఈ కేసు వెలుగు చూసింది. తన సోదరుడి గురించి, నిందితురాల్ని మృతుడి సోదరుడు ఆరా తీయగా, ఆమె తనకేమీ తెలియదని చెప్పింది. తాము విడిపోయామని తెలిపింది. అయితే, ఆమె ఇంట్లో అనుమానాస్పదంగా కన్పించిన ఓ వస్తువు నేపథ్యంలో పోలీసులకు మృతుడి సోదరుడు ఫిర్యాదు చేశారు. విచారణ చేపట్టిన పోలీసులకు, నిందితురాలు చేసిన నిర్వాకం తెలిసింది. బాయ్‌ఫ్రెండ్‌ మృతదేహాన్ని ముక్కలు చేసిన అనంతరం, స్నేహితురాలితో మొత్తం ఇంటిని క్లీన్‌ చేయించినట్లు విచారణలో నిందితురాలు అంగీకరించింది. డిఎన్‌ఎ టెస్ట్‌లో మృతుడి పంటి భాగాన్ని నిర్ధారించారు.