దుబాయ్‌ ఎయిర్‌పోర్ట్స్‌, ఎమర్జన్సీ ఎక్సర్‌సైజ్‌ని దుబాయ్‌ వరల్డ్‌ సెంట్రల్‌ (డిడబ్ల్యుసి - ఎమిరేట్‌ రెండో ఎయిర్‌ పోర్ట్‌) వద్ద నిర్వహిస్తున్నట్లు తెలిపింది. మధ్యాహ్నం 2 గంటల నుంచి 5 గంటల వరకు ఈ ఎక్సర్‌సైజ్‌ జరుగుతుంది. ఎమర్జన్సీ రెస్పాన్స్‌ కేపబిలిటీస్‌ని పరీక్షించేందుకోసం ఈ ఎక్సర్‌సైజ్‌ నిర్వహిస్తున్నారు. జనరల్‌ సివిల్‌ ఏవియేషన్‌ అథారిటీతో కలిసి దుబాయ్‌ ఎయిర్‌పోర్ట్స్‌ ఈ ఎక్సర్‌సైజ్‌ నిర్వహిస్తున్నట్లు పేర్కొంది. ఎక్సర్‌సైజ్‌ జరుగుతున్న సమయంలో దుబాయ్‌ వరల్డ్‌ సెంట్రల్‌లో యధావిధిగా ఇతర కార్యకలాపాలు నడుస్తాయి. దుబాయ్‌ వరల్డ్‌ సెంట్రల్‌లో అల్‌ మక్తౌమ్‌ ఇంటర్నేషనల్‌ అనేది మెయిన్‌ పార్ట్‌. 2013లో ఈ విమానాశ్రయం అందుబాటులోకి వచ్చింది. ప్రపంచంలోనే అతి పెద్ద విమానాశ్రయంగా దీన్ని తీర్చిదిద్దే ప్రయత్నం చేసినా, కొంతవరకు మాత్రమే ప్రయాణీకులకు ఇది సేవలు అందించగలుగుతోంది. అల్‌ మక్తౌమ్‌ ఎయిర్‌ పోర్ట్‌, థర్డ్‌ క్వార్టర్‌లో 26 శాతం వృద్ధితో 119,000 మంది ప్రయాణీకులకు సేవలందించింది.