షార్జా:నాలుగేళ్ళ ఎమిరేటీ చిన్నారి, స్కూల్‌లోని పూల్‌లో మృతి చెందిన ఘటనకు సంబంధించి ఐదుగురిపై కేసులు నమోదు చేశారు. షార్జాలో గత వారం ఈ ఘటన చోటు చేసుకుంది. 200,000 దిర్హామ్‌ల మొత్తాన్ని బాధిత చిన్నారి కుటుంబానికి బ్లడ్‌ మనీ కింద చెల్లించేందుకు స్కూల్‌ యాజమాన్యం ముందుకొచ్చింది. ఈ ఘటనకు సంబంధించి విచారణ కొనసాగుతోంది. ఫిజికల్‌ ఎడ్యుకేషన్‌ సెషన్‌ సందర్భంగా నాలుగేళ్ళ చిన్నారి స్విమ్మింగ్‌ పూల్‌లో మృతి చెందాడు. స్కూల్‌ యాజమాన్యం నిర్లక్ష్యమే చిన్నారి మృతికి కారణమని ప్రాథమిక విచారణలో తేల్చారు. చిన్నారిని హుటాహుటిన ఆసుపత్రికి తరలించినా, అతని ప్రాణాల్ని కాపాడలేకపోయారు.