అతిలోక సుందరి, అందాల తార శ్రీదేవి కుమార్తె జాన్వీ కపూర్ నోట విజయ్ దేవరకొండ మాట వచ్చింది. పెళ్ళిచూపులు, అర్జున్ రెడ్డి, గీత గోవిందం సినిమాలతో తెలుగు సినీ ప్రేక్షకులకు ఎంతో దగ్గరైన విజయ్ దేవరకొండ గురించి జాన్వీ కపూర్ స్పందించింది. ఇటీవల విజయ్ దేవరకొండ సరసన జాన్వీ కపూర్ సినిమా చేయనున్నట్లు ఒక వార్త షికారు చేసిన సంగతి ప్రత్యేకంగా చెప్పనవసరం లేదు. ఆ వార్తలో నిజం లేదు కానీ, జాన్వీ మాత్రం విజయ్ గురించి మాట్లాడింది.

కరణ్ జోహార్ నిర్వహించే కాఫీ విత్ కరణ్ షోలో ఇటీవల శ్రీదేవి కుమార్తె పాల్గొనగా, ఆ సమయంలో నువ్వు మగాడిగా మారితే ఎవరిలా ఉండాలని కోరుకుంటావు అన్న ప్రశ్నకు స్పందిస్తూ… విజయ్ దేవరకొండ అంటూ సమాధానమిచ్చింది. మగాడిగా మారితే విజయ్ దేవరకొండ మాదిరిగా మారుతానని ఉత్తరాదిన ఎంతో మంది యంగ్ హీరోలుండగా, దక్షిణాదిన హీరోగా ఎదుగుతోన్న విజయ్ దేవరకొండ పేరును జాన్వీ కపూర్ చెప్పడం అందరినీ షాక్ ఇచ్చింది. దీనితో విజయ్ దేవరకొండ క్రేజ్ ఏ స్థాయిలో పెరిగిపోతోందో అర్థం చేసుకోవచ్చు.
 
అంతేగాకుండా భవిష్యత్తులో విజయ్ దేవరకొండతో సినిమా చేస్తానని కూడా తెలిపింది. అలాగే, అతనిలో సెక్స్ అప్పీల్ తనకు ఎంతో నచ్చుతుందని తెలిపింది, విజయ్ మంచి ప్రతిభ ఉన్న నటుడు కూడా అని వివరణ ఇచ్చింది.