మస్కట్‌: ఐదేళ్ళ చిన్నారి రోడ్డు ప్రమాదంలో మృతి చెందింది. ఆమె పైనుంచి కిండర్‌గార్టెన్‌ బస్‌ వెళ్ళడంతో చిన్నారి తీవ్ర గాయాలపాలై ప్రాణాలు కోల్పోయినట్లు రాయల్‌ ఒమన్‌ పోలీస్‌ పేర్కొన్నారు. విలాయత్‌ ఆఫ్‌ సోహార్‌లో ఈ ఘటన చోటు చేసుకుంది. విలాయత్‌ ఆఫ్‌ సోహార్‌లోని మజీస్‌ ప్రాంతంలో కిండర్‌గార్టెన్‌ బస్‌, చిన్నారి మృతికి కారణమయ్యిందని రాయల్‌ ఒమన్‌ పోలీస్‌ వివరించింది. హుటాహుటిన గాయపడ్డ చిన్నారిని ఆసుపత్రికి తరలించినా, అప్పటికే ఆమె మృతి చెందింది. ఈ ఘటనకు సంబంధించి పూర్తి సమాచారం తెలియాల్సి వుంది.