సినీ నటి రియామికా ఆత్మహత్యకు పాల్పడింది. చెన్నైలోని తన నివాసంలో ఉరి వేసుకుని బలవన్మరణానికి పాల్పడినట్టు ఆమె సోదరుడు తెలిపారు. చెన్నై సమీపంలోని శ్రీదేవికి కుప్పానికి చెందిన రియామిక, తన సోదరుడు ప్రకాశ్‌తో కలిసి గత నాలుగు నెలలుగా వలసారవాకంలోని ఓ అద్దె ఇంట్లో ఉంటోంది. ఉన్నత చదువులు చదివిన ఆమె సినిమాలపై ఆసక్తితో సినీరంగంవైపు వచ్చారు. దాంతో కుద్రతైల్ కుమారాం కొందత్తం, అఘోరి యనిట్టం ఆరంభం వంటి పలు తమిళ చిత్రాల్లో కథానాయికిగా నటించారు. బుధవారం సాయంత్రం సోదరుడు ప్రకాశ్‌ ఇంటికి చేరుకునేసరికి లోపలి నుంచి గడియపెట్టి ఉంది. దీంతో బలవంతంగా తలుపు తెరిచి చూడగా రియామిక తన బెడ్‌రూమ్‌లో సీలింగ్ ఫ్యాన్‌కు వేలాడుతూ కనిపించింది. భయాందోళన చెందిన ప్రకాష్ వెంటనే ఇతర కుటుంబసభ్యులు, పోలీసులకు సమాచారం అందించాడు. ఘటనా స్థలికి చేరుకున్న పోలీసులు విచారణ ప్రారంభించారు. హత్యకు గల కారణాలపై అన్వేషిస్తున్నారు.