కువైట్‌ సిటీ: న్యాయమూర్తి నాజర్‌ అల్‌ హాయెద్‌ నేతృత్వంలోని కోర్ట్‌ ఆపీల్స్‌, ఫస్ట్‌ ఇన్‌స్టాన్స్‌ కోర్టు ఇచ్చిన తీర్పుని తోసిపుచ్చుతూ ముగ్గురు వ్యక్తులకు జైలు శిక్ష ఖరారు చేశారు. హెల్త్‌ క్లబ్స్‌లో ప్రాస్టిట్యూషన్‌ నిమిత్తం 39 మంది ఫిలిప్పినో యువతను నియమించినందుకుగాను నిందితులకు జైలు శిక్ష ఖరారయ్యింది. ఒక్కొక్కరికి పదిహేనేళ్ళ జైలు శిక్షను న్యాయమూర్తి ఖరారు చేశారు. మరో వ్యక్తికి మూడేళ్ళ జైలు శిక్ష ఖరారు చేయగా, ఓ వ్యక్తిని నిర్దోషిగా తేల్చారు. కేసు వివరాల్లోకి వెళితే.. ఓ పౌరుడు, ఇద్దరు ఫిలిప్పినోస్‌, ఇద్దరు బెడౌన్స్‌పై ట్రాఫికింగ్‌ కేసులు నమోదు చేశారు. మనుషుల అక్రమ రవాణా సహా పలు కేసులు వీరిపై నమోదు చేయడం జరిగింది.