ఎన్టీఆర్ బయోపిక్ పేరిట డైరెక్టర్ క్రిష్ తారకరామారావు జీవిత కథ ను ప్రేక్షకులకు అందించబోతున్న సంగతి తెలిసిందే. నందమూరి బాలకృష్ణ ఎన్టీఆర్ పాత్రలో నటిస్తుండగా, బసవతారకం రోల్ లో బాలీవుడ్ నటి విద్యా బాలన్ నటిస్తుంది. ఇక మిగతా పాత్రల్లో ఎంతోమంది అగ్ర నటి నటులు, దర్శకులు, నిర్మాతలు నటిస్తున్నారు. తాజాగా ఈ మూవీలో దర్శకేంద్రుడు రాఘవేంద్రరావు పాత్ర కూడా ఉండబోతుందని సమాచారం.

ఎన్టీఆర్ – రాఘవేంద్రరావు కలయికలో ‘వేటగాడు, డ్రైవర్ రాముడు, అడవి రాముడు’ లాంటి పలు హిట్ సినిమాలు వచ్చి ప్రేక్షకులను అలరించాయి. అందుకే ఎన్టీఆర్ సినీ కెరీర్లో దర్శకేంద్రుడిది ప్రత్యేక స్థానం. ఈ నేపథ్యంలో ఆయన పాత్రను క్రిష్ చూపించబోతున్నాడు. ఈ పాత్రలో దర్శకేంద్రుడి తనయుడు ప్రకాష్ నటించనున్నాడు. మొదటి హీరోగా పరిచయమైన ప్రకాష్ ఆ తరవాత దర్శకుడిగా పలు సినిమాలకు దర్శకత్వం వహించాడు. ఇప్పుడు చాల రోజుల తర్వాత తెరపై కనిపించబోతున్నాడు.

జనవరి 09 న ఈ చిత్ర మొదటి పార్ట్ ప్రేక్షకుల ముందుకు రాబోతుంది. ఎన్ బి కె బ్యానర్ ఫై బాలకృష్ణ ఈ సినిమాను నిర్మిస్తుండగా, కీరవాణి సంగీతం అందిస్తున్నాడు. సాయి మాధవ్ బుర్ర మాటలు అందిస్తున్నాడు.