2018 సంవత్సరానికి ప్రపంచ సుందరి కిరీటాన్ని మెక్సికోకు చెందిన వనెస్సా పోన్స్‌ దెలియోన్‌ దక్కించుకున్నారు. శనివారం సాయంత్రం చైనాలోని సన్యా సిటీలో జరిగిన 68వ ఎడిషన్‌ మిస్‌ వరల్డ్‌ పోటీల్లో న్యాయ నిర్ణేతల బృందం ఆమెను విజేతగా ప్రకటించింది. రన్నరప్‌గా థాయ్‌లాండ్‌కు చెందిన నికోలిన్‌ లిమ్స్‌నుకన్‌ నిలిచింది. 2017 ప్రపంచ సుందరి మానుషి చిల్లర్‌ దెలియోన్‌ కు కిరీటాన్ని పెట్టి అభినందించారు. కాగా ఈ అందాల పోటీల్లో భారత్‌కు చెందిన అనుకృతి వ్యాస్‌ టాప్‌ 30 లో (19వ స్థానం) దక్కించుకుంది.