కువైట్‌ సిటీ: ముబారక్‌ అల్‌ కబీర్‌ సెక్యూరిటీ కమాండ్‌ డిటెక్టివ్స్‌ 30 ఏళ్ళ కువైటీ పౌరుడ్ని అరెస్ట్‌ చేశారు. నిందితుడు, అబు అల్‌ హసానియాలోని కంపాట్రియేట్‌ నుంచి గన్‌ పాయింట్‌లో బెదిరించి కారుని దొంగతనం చేశాడు. బాధితుడ్ని, అలాగే అక్కడున్నవారిని తుపాకీతో నిందితుడు బెదిరించి, కారుతో ఉడాయించినట్లు పోలీసులు పేర్కొన్నారు. ఘటన గురించిన సమాచారం అందుకోగానే, సంబందిత డిపార్ట్‌మెంట్స్‌కి విషయాన్ని చేరవేశారు. డిటెక్టివ్స్‌, నిందితుడ్ని గుర్తించారు. ఇటీవలే నిందితుడు సెంట్రల్‌ జైలు నుంచి విడుదలయినట్లు తెలియడంతో, అత్యంత చాకచక్యంగా కబాద్‌లోని యానిమల్‌ పెన్‌ వద్ద అతన్ని అరెస్ట్‌ చేశారు. నిందితుడు దొంగిలించిన కారుని సైతం అధికారులు స్వాధీనం చేసుకున్నారు.