దివంగత ముఖ్యమంత్రి వైయస్ రాజశేఖర్‌ రెడ్డి జీవితంలో ముఖ్య ఘట్టం అయిన పాదయాత్ర ఆధారంగా ‘యాత్ర’ అనే సినిమా తెరకెక్కుతున్న సంగతి తెలిసిందే. ఈ సినిమాలో మళయాళ సూపర్ స్టార్ మమ్ముట్టి వైయస్ పాత్రను పోషిస్తున్నారు. అయితే ఈ సినిమా మొదట అనుకుంటున్నట్టు పండక్కి రావడం లేదు. 2019 ఫిబ్రవరి 8న విడుదల అవుతుందని నిర్మాతలు వెల్లడించారు. అనుకున్న సమయానికి నిర్మాణం పూర్తి కాకపోవటంతో ఫిబ్రవరికి వాయిదా వేసినట్టు చెబుతున్నారు. జగపతిబాబు, సుహాసిని, అనసూయ ఇందులో కీలక పాత్ర పోషిస్తున్నారు. భలే మంచి రోజు, ఆనందో బ్రహ్మా సినిమాలను నిర్మించిన విజయ్‌ చిల్లా, శశి దేవిరెడ్డి ‘యాత్ర’ను నిర్మిస్తున్నారు. ఆనందో బ్రహ్మా చిత్రానికి దర్శకత్వం వహించిన మహి వి రాఘవ ఈ చిత్రానికి దర్శకుడు.