రస్ అల్ ఖైమః:మూడేళ్ళ చిన్నారి రస్‌ అల్‌ ఖైమాలోని ఓ హోటల్‌ విల్లాలోగల స్విమ్మింగ్‌ పూల్‌లో మునిగి ప్రాణాలు కోల్పోయాడు. కుటుంబంతో కలిసి మూడేళ్ళ చిన్నారి సైఫ్‌ మొహమ్మద్‌ సయీద్‌ విల్లాకి వచ్చారనీ, పిల్లలంతా కలిసి ఆడుకుంటున్నారనీ, వారంతా కలిసి స్విమ్మింగ్‌ పూల్‌ వైపు వెళ్ళగా దురదృష్టవశాత్తూ చిన్నారి సైఫ్‌, స్విమ్మింగ్‌ పూల్‌లో అచేతనావస్థలో కన్పించాడని కుటుంబ సభ్యులు తెలిపారు. ఘటన గురించిన సమాచారం అందుకోగానే రస్‌ అల్‌ ఖైమా పోలీస్‌, సంఘటనా స్థలానికి అంబులెన్స్‌ అలాగే పారామెడిక్స్‌ని అక్కడికి పంపించడం జరిగింది. ప్రాథమిక చికిత్స చేసేందుకు ప్రయత్నించిన పారామెడిక్స్‌కి చిన్నారి నుంచి స్పందన లభించకపోవడంతో హుటాహుటిన ఆసుపత్రికి తరలించారు. అక్కడే చిన్నారి మృతి చెందిన విషయాన్ని వెల్లడించారు.