షార్జా పోలీస్‌ ఎమర్జన్సీ కాల్‌ సెంటర్‌ 911 ఉద్యోగిని దూషించిన నేరానికిగాను ఓ వ్యక్తిని పోలీసులు అరెస్ట్‌ చేశారు. నిందితుడ్ని న్యాయస్థానం యెదుట హాజరుపరిచారు. స్పెషల్‌ నీడ్స్‌ వ్యక్తి డ్రైవ్‌ చేసే వాహనానికి సంబంధించి పార్కింగ్‌ స్పేస్‌ కోసం నిందితుడు, కాల్‌ సెంటర్‌కి ఫోన్‌ చేశాడని విచారణలో తేలింది. స్పెషల్‌ నీడ్‌ పర్సన్‌కి సాయం చేసేందుకు తాను ఆ పని చేశాననీ, ఈ క్రమంలో తాను అదుపు కోల్పోయిన మాట వాస్తవమని విచారణలో నిందితుడు అంగీకరించాడు. కుటుంబ సమస్యల వల్ల తాను తన మాట మీద అదుపు కోల్పోవడం జరిగిందని, జరిగిన ఘటన పట్ల విచారం వ్యక్తం చేస్తున్నానని పేర్కొన్నాడు నిందితుడు. ఈ కేసు విచారణని న్యాయస్థానం డిసెంబర్‌ 30వ తేదీకి వాయిదా వేసింది. నిందితుడికి న్యాయస్థానం బెయిల్‌ మంజూరు చేసింది. బాధితురాలి వెర్షన్‌ని న్యాయస్థానం విననుంది.