ఏసుక్రీస్తుపై వచ్చిన చిత్రం కరుణామయుడు. ఈ చిత్రం రిలీజైన ఐదో రోజు నుంచి ఊపందుకుంది. ప్రజాదరణతోపాటు ఎన్నో అవార్డులు అందుకుందీ. 'కరుణామయుడు' ఇప్పటికి 14 భాషల్లో అనువాదమైంది. అప్పట్లో 1600 ప్రింట్లు వేశారు. ప్రతి ఏడాది కొత్త ప్రింట్లు వేస్తూనే ఉన్నారు. ఈ సినిమా వీడియోలు పది లక్షలకు పైగా విడుదలయ్యాయి. "ఈ సినిమా ద్వారా 350 సన్మానాలకు పాత్రుడినయ్యాను. ఆర్థికంగా నన్ను ఆదుకొంది. ఇప్పటికీ అన్నం పెడుతున్న సినిమా ఇది అని నటుడు విజయ్‌చందర్ తెలిపాడు. ఈ చిత్రం కోసం తాను ఎన్నో పాట్లు పడ్డానని దానికి తగిన ఫలితం అనుభవించానని వెల్లడించాడు."