రజనీకాంత్- త్రిష- సిమ్రాన్ కాంబోలో రానున్న మూవీ 'పెట్టా'. సంక్రాంతి సందర్భంగా జనవరి 10న విడుదల కానుంది. దీనికి సంబంధించి అన్నిపనులు పూర్తికావడంతో శుక్రవారం రెండున్నర నిమిషాల నిడివిగల ట్రైలర్‌ని మేకర్స్ రిలీజ్ చేశారు. డార్జిలింగ్, సిమ్లా, యూపీలో తెరకెక్కించిన సన్నివేశాలు బాగున్నాయి.

రజనీకాంత్‌ కాలేజీ వార్డెన్‌గా, ఫ్లాష్‌బ్యాక్‌లో సైనిక అధికారిగా రెండు భిన్నమైన పాత్రల్లో కనిపించనున్నట్లు టాక్. కానీ, ట్రైలర్‌లో వార్డెన్‌గా మాత్రమే దర్శనమిచ్చాడు. ఆయన స్టయిల్స్ గురించి చెప్పనక్కర్లేదు. అనిరుధ్ మ్యూజిక్ అందిస్తున్న ఈ చిత్రం ప్రీ రిలీజ్‌ ఫంక్షన్‌ను వచ్చేనెల ఫస్ట్ వీక్‌లో జరగనుంది. కార్తీక్ సుబ్బరాజ్ డైరెక్ట్ చేసిన ఈ సినిమాని సన్ పిక్చర్స్ నిర్మిస్తోంది.