ప్రతీఏటా ప్రతిష్టాత్మకంగా టీఎస్సాఆర్ నేషనల్ ఫిల్మ్ అవార్డుల కార్యక్రమాన్ని ప్రముఖ పారిశ్రామికవేత్త టీ సుబ్బిరామి నిర్వహించడం తెలిసిందే. 2019 సంవత్సరంలో జరిపే అవార్డుల వేడుక గురించి వివరాలు వెల్లడించడానికి సమావేశాన్ని టీఎస్సాఆర్ ఏర్పాటు చేశారు. ఈ సమావేశాన్ని జనవరి 12 తేదీన మధ్యాహ్నం హైదరాబాద్ పార్క్ హయత్ హోటెల్‌లో నిర్వహించనున్నారు. 2017, 2018 సంవత్సరాలకు గాను ఇచ్చే అవార్డుల ఫంక్షన్ ఫిబ్రవరి 17వ తేదీన విశాఖపట్నంలో నిర్వహిస్తారు.

జనవరి 12న హైదరాబాద్‌లో నిర్వహించే క్యారక్రమానికి జ్యూరీ సభ్యులు హాజరవుతారు. ఈ కార్యక్రమంలో అవార్డుల కమిటీ చైర్మన్ టీ సుబ్బిరామిరెడ్డి, డాక్టర్ శోభన కామినేని, పింకీరెడ్డి, సినీ తారలు నగ్మా, జీవిత, మీనా, సినీ ప్రముఖులు పరుచూరి గోపాలకృష్ణ, నరేష్, కేఎస్ రామారావు, రఘురామ కృష్ణరాజు, తదితరులు హాజరవుతారు.