అరబ్‌ వ్యక్తి ఒకరు, సహచరుడి వేధింపుల్ని తట్టుకోలేక అతన్ని హత్యచేశాడు. రాత్రి 9 గంటల సమయంలో సమాచారం అందుకున్న పోలీసులు సంఘటనా స్థలానికి చేరుకున్నారు. ఇటర్నేషనల్‌ సిటీలో ఈ ఘటన చోటు చేసుకుంది. పోలీసులు వెళ్ళేసరికి రక్తపుమడుగులో బాధితుడు పడివున్నాడు. బాధితుడ్ని పోలీసులు ఆసుపత్రికి తరలించి, అనుమానితుడ్ని అరెస్ట్‌ చేసి పబ్లిక్‌ ప్రాసిక్యూషన్‌కి అప్పగించారు. కాగా, తనను వేధింపులకు గురిచేయడంతోనే తాను ఈ దాడికి పాల్పడాల్సి వచ్చిందని నిందితుడు చెప్పారు. గొడవ తీవ్రమై, కత్తితో తాను ఆ వ్యక్తిని పలుమార్లు పొడిచినట్లు విచారణలో నిందితుడు అంగీకరించినట్లు అధికారులు తెలిపారు.