ఫుజారియాలో మోటార్‌ సైకిల్‌పై వెళుతున్న ఓ టీనేజర్‌ రోడ్డు ప్రమాదంలో ప్రాణాలు కోల్పోయాడు. 14 ఏళ్ళ టీనేజర్‌, అదే వయసున్న మరో స్నేహితుడు కలిసి మిర్బా సెటిల్‌మెంట్‌ ఇంటర్నల్‌ రోడ్డుపై వెళుతున్న సమయంలో ఈ ప్రమాదం జరిగింది. అతి వేగంతో దూసుకొచ్చిన ఓ ఎస్‌యూవీ, బైక్‌ని ఢీకొనడంతో బైక్‌ మీద వెళుతున్న 14 ఏళ్ళ ఎమిరేటీ బాలుడు మృతి చెందినట్లు అధికారులు పేర్కొన్నారు. ప్రమాదంలో ఇద్దరు యువకులకూ తీవ్ర గాయాలు కాగా, వారిలో ఒకరు వైద్య చికిత్స పొందుతూ ప్రాణాలు కోల్పోవడం జరిగింది. మరో యువకుడికి ప్రస్తుతం వైద్య చికిత్స అందుతోంది. అతని శరీరంలో పలు ఎముకలు విరిగినట్లు వైద్యులు తెలిపారు.