విజయ్ సేతుపతి, త్రిష జంటగా వచ్చిన తమిళ్ సినిమా '96'. స్కూల్లో ప్రేమలు ఎలా ఉంటాయి? ఒకమ్మాయి.. అబ్బాయి తమ ప్రేమను వ్యక్తం చేసుకోలేక పడే వేదన. పెరిగి పెద్దయ్యాక గెట్ టు గెదర్‌లో కలిసినప్పుడు వారిద్దరి మధ్య ఎమోషన్ ఎలా ఉంటుందో చూపించే కథ ఇది.

ఈ చిత్రం తమిళ్‌లో బ్లాక్ బస్టర్ హిట్ కొట్టింది. దీంతో దీనిని తెలుగులో రీమేక్ చేస్తున్నారు. శ్రీ వెంకటేశ్వర క్రియేషన్స్ బ్యానర్‌పై ప్రొడక్షన్ నంబర్ 34గా ఈ సినిమా రూపొందుతోంది. శర్వానంద్, సమంత ప్రధాన పాత్రల్లో తెరకెక్కుతున్న ఈ చిత్రానికి సి. ప్రేమ్ కుమార్ దర్శకత్వం వహిస్తుండగా.. దిల్ రాజు నిర్మాతగా వ్యవహరిస్తున్నారు. ఈ చిత్రానికి సంబంధించిన పోస్టర్‌ను చిత్రబృందం నేడు విడుదల చేసింది.